dürterişmek

işlik

1) Köp mukdarda ýerden çalaja çykyşyp durmak.

∙ Gyş paslyndan galan yzgardan nem alyp, ýaňy dürterişip ugran otjagazlary gurara getiren gün ir ertirden başlap gyzyp ugrady. («Sowet edebiýaty» žurnaly)

∙ Hatda alabaharyň çygy bilen ýaňyja dürterişip galan gök otly çilleri hem Aýsoltan öz zwenosy bilen agdaryşdyrýardy. (B. Kerbabaýew, Aýsoltan)

2) Syh-syh bolşup durmak, syh-syh bolşup çykyşmak.

∙ Ujy egreldilmedik çüýler dürterişip durdy.

3) Göçme manyda Somalyşyp durmak, dim-dik bolşup durmak.